Rita inn

Lat aftur
Takk fyri!
Ein feilur er íkomin. Vinarliga set seg í samband við okkum
Vinarliga kanna at øll feltini eru útfylt.
Send
Lat aftur

Úrslit av leitingini

Einki var funnið.
Lat aftur
Nýggjársheilsan frá Føroya Lívstrygging
Tíðindi
22. Desember 2021
Samverk/ Tíðindi/ Nýggjársheilsan frá Føroya Lívstrygging/

Nýggjársheilsan frá Føroya Lívstrygging

Góðu samstarvsfelagar

 

So fer 2021 at halla, og vit skulu so spakuliga venja okkum við at skriva 2022.

 

2021 hevur verið eitt hendingaríkt ár. Vit hava nú í gott hálvtannað ár livað við koronastøðuni og hevur gerandisdag okkara funnið eina rútmu, sum á ein ella annan hátt tekur atlit til í komnu støðuna. Framvegis eru vinnur í Føroyum, sum hava avbjóðingar av korona. Vónandi fer 2022 at roynast hesum vinnum betri.

 

Eisini fíggjarmarknaðurin er samanumtikið komin gott ígjøgnum 2021. Tað eru serliga partabrøvini, sum hava klára seg gott ígjøgnum árið. Í skrivaðu løtuni liggur avkastið hjá teimum sum hava marknaðarrentu og meira enn 10 ár til eftirlønaraldur á góðum 9% í árligum avkastið. Tó skal sigast, at 2021 ikki er liðugt enn.

 

Á inngjaldssíðuni heldur góða gongdin fram. Eisini í 2021 eru inngjøldini vaksin og væntast samlaða inngjaldið til eftirlønir og tryggingar at tátta í tilsamans 450 mió.kr. fyri LÍV samtakið. Hetta er partvíst tengt at tilgongd av nýggjum kundum, lágum arbeiðsloysi og at fólkatalið í Føroyum eisini í 2021 er hildið fram av hækka. Tað at fleiri herðar eru saman um at bera búskaparligu byrðarnar eru vit á LÍV sera fegin, takksom og eyðmjúk um. Fyri viðskiftafólk við marknaðarrentu verður fasta árliga gjaldið kr. 240 fyri 2022. Í 2021 hava fleiri feløg dagført avtalurnar við LÍV.

 

Í 2019 varð avgjørt at LÍV skuldi hava eina nýggja kjarnuskipan. Hesum hevur felagið arbeitt við í 2020 og í 2021 varð nýggja kjarnuskipanin tikin í brúk. Nýggja kjarnuskipanin er ikki fult virkin í 2021. Hetta harmast við á LÍV um, og alt verður gjørt við at fáa seinastu snøklarnar uppá pláss. Starvsfólkini hava gjørt eitt megnar arbeiðið fyri at viðskiftafólk okkara eru komin so gott ígjøgnum umleggingina sum gjørligt. Hetta eiga tey stóra tøkk fyri. Eisini vil eg takka tykkum fyri tykkara tolsemi í sambandi við umleggingina og ta órógv hendan hevur givið í 2021.

 

Eg harmist um at okkara tøknuligi samskiftispallur (Kundaportalurin) bert hevur verið virkin part av 2021 grundað á umleggingina. Nýggi kundaportalurin bleiv tikin í brúk aftur fyrst í oktober. Tað skal kortini sigast, at møguleikarnir í verandi útgávu eru avmarkaðir. Arbeitt verður leypandi við at betra um møguleikarnar komandi mánaðirnar.

 

Í 2021 hevur LÍV bjóðað fleiri nýggjum viðskiftafólkum vælkomnum á LÍV. Á LÍV fegnast vit um at víðka um kundaskaran, soleiðis at vit kunnu bjóða eina so góða og kappingarføra tænastu sum gjørligt. Jú fleiri herðar bera, jú lættari verður tað hjá tí einstaka.

 

Eg vil við hesum takka fyri brátt farna árið, og vil eg ynskja tykkum eini gleðilig jól og eitt gott komandi ár.

 

 

Vinarliga / best regards
 
Jan Jakobsen
Stjóri/CEO
dir. +298 351171
far. +298 231110
www.liv.fo