Rita inn

Lat aftur
Takk fyri!
Ein feilur er íkomin. Vinarliga set seg í samband við okkum
Vinarliga kanna at øll feltini eru útfylt.
Send
Lat aftur

Úrslit av leitingini

Einki var funnið.
Lat aftur
6. frívikan kemur fyri Løgtingið
Tíðindi
17. Juni 2021
Samverk/ Tíðindi/ 6. frívikan kemur fyri Løgtingið/

6. frívikan kemur fyri Løgtingið

Javnaðarflokkurin fyrireikar í løtuni uppskot at leggja fyri løgtingið, sum skal tryggja øllum løntakarum á arbeiðsmarknaðinum rættin til sættu frívikuna.

Herfyri kom fram, at ynskið hjá S&K felagnum um rættin til 6. frívikuna ikki varð gingið á møti, tá samráðingar vóru millum S&K felagið og FAG. Grundgevingin hjá FAG var, at frítíð  er staðfest í lóg. Hetta hóast tey nógv flestu á almenna arbeiðsmarknaðinum fyri langari tíð  síðani hava vunnið sær rættin til sættu frívikuna.

Lógarverkið skal ongantíð vera ein forðing fyri, at løntakarar kunna samráða seg til betur betri treytir - og so slett ikki, tá talan er rættindi, sum aðrir partar av arbeiðsmarknaðinum langt síðani hava vunnið sær rætt til, Aksel V. Johannesen, formaður í Javnaðarflokkinum.

Tí tekur Javnaðarflokkurin nú stig til at broyta lógina um frítíð soleiðis, at allir løntakarar hava sama rætt til sættu fríviku. Endamálið við uppskotinum er at javnseta løntakarar á almenna og privata arbeiðsmarknaðinum. Ætlanin er, at broytingin kemur í gildi, tá verandi sáttmálar ganga út.

Um ein lóg, sum løgtingið hevur samtykt, verður sædd sum ein forðing, so noyðist løgtinið at endurskoða lógina soleiðis, at allir partar av arbeiðsmarknaðinum fáa sama rættin til sættu frívikuna, sigur Aksel V.  Johannsen.

Hetta stendur at lesa á VP.FO 7.5.2021