Ynski um limaskap

Sum limir í Samverk, ert tú partur av einum sterkum felagsskapi, sum hvønn dag arbeiðir fyri at tryggja limunum bestu kor á arbeiðsmarknaðinum, og sum støðugt virkar fyri samspælinum millum arbeiðsgevara og arbeiðstakara í privatu vinnuni.

Samverk er millum størstu fakfeløg í Føroyum. Endamálið er at fylkja krambafólk, sølufólk, skrivstovufólk, teknisk starvsfólk og aðrar fakbólkar á økjum, sum kunnu samanberast. Harumframt skal felagið fylkja lærlingar á somu økjum fyri at fremja felags áhugamál.

Limir í Samverk fáa fleiri fyrimunir. Millum annað fært tú avsláttur frá Trygd hvat umræður hesar tryggingar:

• Akfarstrygd
• Sethúsatrygd
• Familjutrygd
• Vanlukkutrygd
• Barnavanlukkutrygd
• Ferðatrygd

Ynskir tú at gerast partur av Samverk, skal tú bara útflylla teigarnar og senda okkum umbønina. So taka vit okkum av restini.